Veiðitímabil

Hvenær er best að veiða í ám og vötnum?

Íslenska veiðisumarið nær yfir flest svæði frá apríl og fram í október, en tegundirnar raðast aðeins upp eftir árstíma. Hér er gróf yfirsýn yfir helstu mánuði fyrir árnar og tegundirnar:

• Apríl–maí: Bleikja, urriði, sjóbirtingur

• Júní: Bleikja, urriði, sjóbirtingur og fyrsti laxinn (frá um miðjum mánuði)

• Júlí: Bleikja, urriði, sjóbirtingur og lax – þurrflugu og laxveiði fer vel af stað

• Ágúst: Bleikja, urriði, sjóbirtingur og lax – sterkur lax- og stórlaxatími

• September: Bleikja, urriði, sjóbirtingur og lax – haustveiði og fallegir litir

• Október: Sjóbirtingur og urriði

Aðstæður ráða þó alltaf og reglur hvers svæðis.

Apríl–maí – vorveiði, stóru urriðarnir og fyrstu ferðirnar

Vorið markar upphaf veiðitímabils í flestum ám. Þá eru:

• Stórir urriðar og bleikjur að taka við sér eftir veturinn

• Sjóbirtingur og sjógenginn fiskur að nærast á leirum, ósum og í neðri hluta ánna

Dæmigerðar aðstæður á vorin:

• Vatnshæð getur verið breytileg, stundum ís uppi á heiðum en spennandi veiði neðar.

• Mest púpa og straumflugutímabil, en þurrflugur geta komið sterkar inn þegar hlýnar.

Gott vorveiði mynstur fyrir íslenskar ár:

• Púpur og litlir straumflugur í djúpum hyljum og strengjum

• Hitch/skated flugur þegar fiskurinn fer að sækja í yfirborðið

• Í ósum og leirum (t.d. á sjóbirtings- og bleikjusvæðum eins og Lónsá og sambærilegum ám) geta fiskar farið að lóna á ósa svæði ánna á eftir marfló.

Júní – Frábær urriða veiði og bleikjuveiði, og fyrsti laxinn að mæta

Júní er mánuður nr. 1 fyrir marga þurrfluguveiðimenn.

• Fyrstu stærri klakin koma í mörgum ám (mýflugur, mý, vorflugur o.fl.)

• Urriði og bleikja fara að taka meira á yfirborði

• Um miðjan júní fara fyrstu stóru laxarnir að sjást

Algengt mynstur á ám eins og t.d. Laxá í Aðaldal, Mýrarkvísl, Reykjadalsá og Geitafellsá:

• Þurrfluga, votflugur og púpur veiða rosalega vel

• Stórir urriðar færast nær bökkum og leita í skugga

• Laxinn finnst fyrst í neðri hluta ánna og í djúpum hyljum – oft best með Sunray míkró túpum og hitch

Júlí – Besti tími þurrflugu og aukandi laxveiði

Júlí er hápunktur sumarsins hjá flestum sem veiða:

• Lengstu dagarnir, stöðugasta veðrið og mest líf í vatni

• Laxgöngur komnar á fullt í mörgum ám

• Þurrfluguveiði í hámarki í urriða- og bleikjuám

Dæmigert fyrir okkar svæði:

• Mýrarkvísl, Reykjadalsá, Geitafellsá:

  • Þurrflugur, mýflugur, vorflugur, mý, maurar og yfirleitt mest megnis yfirborðsveiði

  • Fyrir lax: Hitch, litlar túpur og hefðbundnar laxaflugur

• Laxá í Aðaldal aðrar og urriðár:

  • Stórir urriðar á þurrflugur og votflugur snemma á morgnana og seint á kvöldin

Um eða eftir 20. júlí er víða kominn bestu vikur laxveiðinnar sem stendur vel inn í september.

Ágúst – stöðug laxveiði og kraftmiklir haust fiskar

Í ágúst heldur veiðin áfram en breytist aðeins í eðli:

• Laxarnir verða litmeiri og fyrirferðarmiklir í hyljum

• Urriðinn getur orðið territorial – stórir fiskar taka þá oft laxaflugur

• Bleikjan er víða farin að huga að hrygningu og dreifa sér

Á mörgum svæðum:

• Skautandi hitch flugur og litlar laxaflugur skila frábærum árangri

• Púpur halda áfram að gefa vel, sérstaklega í littlu vatni

• Sjóbirtingur fer víða að sjást meira og dreifðari um árnar þegar fer að kólna aðeins og dimma á kvöldin

September – haustlitir, árásargjarn fiskur og síðustu dagarnir

September er einn skemmtilegasti mánuðurinn fyrir þá sem elska haust liti og veðrabreytingarnar:

• Lax og sjóbirtingur litast og verða oft mjög árásargjarnir

• Urriðinn sækir í orku fyrir veturinn og svarar vel straumflugum

• Fyrstu haustrigningarnar hreinsa oft upp gróður og hressa upp á vatnsbúskap

Á urriða- og bleikjusvæðum:

• Stærri straumflugur, leech-mynstur og skærar flugur geta verið frábærar

• Púpu-veiði helst alltaf inni út tímabilið, sérstaklega í dýpri hyljum en það getur verið mikilvægt að hreifa fluguna

Október – seinasti séns fyrir sjóbirting og urriða

Það fer eftir reglum hvers svæðis, en þar sem opið er fram í október:

• Sjóbirtingur er þá oft í toppstandi, nýgenginn eða í að byrja að para sig og undirbúa hrygningu

• Urriðinn er oft mjög árásagjarn og viljugur til að taka flugu

Veiði er þá oft:

• Þungar flugur, sökk taumur og sökk línur

• Straumflugur og litlar púpur í litlu vatni

• Veðrið breytilegt – kalt, en oft rosalega fallegt haust veður og kyrrð

Niðurstaða – hvenær ætti þú að bóka?

• Viltu þurrflugu og urriða/bleikju?
  – Besta tímabilið er júní–júlí, en einnig kemur ágúst vel til greina.

• Viltu blanda urriða og lax?
  – Júní–september – og sérstaklega júlí–ágúst í mörgum ám.

• Viltu haustliti, sjóbirting og skýr ljósaskipti?
  – September–október, þar sem opið er og reglur leyfa.